Ժամանակը Երևանում՝ 11:07:36,   21 Հունվար

Հայաստանի ՔԿՀ պատվիրակությունը Ստրասբուրգում մասնակցում է ԳՐԵԿՈ-ի նիստին


ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Եվրոպայի խորհրդի կոռուպցիայի դեմ պայքարի պետությունների խմբի (ԳՐԵԿՈ) հերթական 78-րդ լիագումար նիստում Հայաստանի Հանրապետության վերաբերյալ 4-րդ փուլի գնահատման համապատասխանության զեկույցի քննարկմանը մասնակցելու և Հայաստանի Հանրապետության պաշտոնական մեկնաբանություններն ու առաջարկությունները ներկայացնելու նպատակով դեկտեմբերի 4-8-ը Ստրասբուրգ է գործուղղվել ՀՀ-ում ԳՐԵԿՈ-ի պատվիրակությունը` պատվիրակության ղեկավար, քրեակատարողական ծառայության պետ, գեներալ-մայոր Արթուր Օսիկյանի գլխավորությամբ: Պատվիրակության կազմում էր նաև Երևանի պետական համալսարանի իրավաբանական ֆակուլտետի դեկանի տեղակալ Կարեն Գևորգյանը: Այս մասին «Արմենպրես»-ին տեղեկացրին ՀՀ ԱՆ ՔԿՎ հանրային կապերի բաժնից:

Լիագումար նիստում ընդունվել է ՀՀ վերաբերյալ գնահատման 4-րդ փուլի համապատասխանության զեկույցը, որով ԳՐԵԿՈ-ն դրական է գնահատել տրված հանձնարարականների ուղղությամբ իրականացված մեծածավալ աշխատանքները, մասնավորապես՝ Սահմանադրական բարեփոխումները, կոռուպցիայի դեմ պայքարի ուղղությամբ մի շարք օրենքների ընդունումը և այլն: Միաժամանակ ԳՐԵԿՈ-ն կոչ է արել շարունակել ջանքերը բարեփոխումների շարունակականությունն ապահովելու ուղղությամբ:




Մրցույթ

«Մեկ անգամ Հայաստանում»

Լրահոս

Բոլոր նորությունները    






Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ