Վրաստանի ԱԳ նախարարն ընդունել Է Հայաստանի դեսպանին
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Վրաստանի փոխվարչապետ, արտաքին գործերի նախարար Միխայիլ Ջանելիձեն հանդիպում Է անցկացրել հանրապետությունում Հայաստանի դեսպան Ռուբեն Սադոյանի հետ, տեղեկացնում Է «Արմենպրես»-ը՝ հղում անելով «Գրուզիա Online»-ին:
Ինչպես հայտնել Է Վրաստանի ԱԳ նախարարությունը, նախարարը հայ դիվանագետին շնորհավորել Է Վրաստանում դեսպան նշանակվելու կապակցությամբ եւ հաջողություններ մաղթել ապագա գործունեության մեջ: Իր հերթին, Ռուբեն Սադոյանը պատրաստակամություն Է հայտնել առավելագույնս նպաստել տարբեր ոլորտներում երկու երկրների միջեւ համագործակցության խորացմանը: «Հանդիպմանը կողմերը քննարկել են երկկողմ եւ բազմակողմ համագործակցության հրատապ հարցերը:
Նշվել Է ինտենսիվ քաղաքական, առեւտրատնտեսական եւ մշակութային-հումանիտար փոխգործակցությունը: Հատուկ շեշտադրվել են տնտեսական համագործակցության հեռանկարները: Արտաքին քաղաքական գերատեսչության ղեկավարն ընդգծել Է երկու երկրների միջեւ բարձր մակարդակի այցերի փոխանակման դինամիկան եւ արտաքին քաղաքական գերատեսչությունների դերը երկու երկրների հարաբերությունների զարգացման գործում: Կողմերը նաեւ արծարծել են տարածաշրջանում ընթացող կարեւոր իրադարձությունները»,- ասված Է Վրաստանի ԱԳ նախարարության հաղորդագրության մեջ:
Բաժանորդագրվեք մեր ալիքին Telegram-ում