Ճապոնիան, ԱՄՆ-ը եւ Հարավային Կորեան համատեղ վարժանքներ են սկսել ԿԺԴՀ-ի շուրջ իրադրության սրման ֆոնին
ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Ճապոնիան, ԱՄՆ-ը եւ Հարավային Կորեան դեկտեմբերի 11-ին համատեղ ռազմածովային վարժանքներ են անցկացնում Կորեական թերակղզում իրադրության սրման ֆոնին: Այդ մասին, ինչպես տեղեկացնում Է «Արմենպրես»-ը, հայտնել Է Ճապոնիայի ծովային ինքնապաշտպանության ուժերի շտաբը:
«Հյուսիսային Կորեայի կողմից շարունակվող միջուկային փորձարկումների եւ հրթիռային արձակումների պատճառով մեր երկրի անվտանգության հետ կապված իրադրության սրվելու ֆոնին անցկացվող վարժանքներն ուղղված են ԱՄՆ-ի եւ Հարավային Կորեայի ռազմածովային ուժերի հետ համակարգման խորացմանը եւ մեր երկրների հարաբերությունների ամրապնդմանը»,- ասված Է շտաբի հաղորդագրության մեջ:
Նշվում Է, որ վարժանքները կտեւեն երկու օր: Ճապոնական կողմից վարժանքներին կամասնակցի «Տյոկայ» Էսկադրային ականակիրը, իսկ ԱՄՆ-ի եւ Հարավային Կորեայի ռազմածովային ուժերի կողմից՝ «բազմաթիվ ռազմանավեր», հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում