Երաժիշտ Քրիս Ռին շտապ հոսպիտալացվել է Օքսֆորդի համերգի ժամանակ
14:46, 10 Դեկտեմբեր 2017
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Բրիտանացի երաժիշտ Քրիս Ռին կորցրել է գիտակցությունն Օքսֆորդում իր համերգի ժամանակ, տեղեկացրել է The Guardian-ը։
66-ամյա երգիչը մեկ տարի առաջ ուղեղի կաթված է տարել։
«Արմենպրես»-ը, վկայակոչելով «Ինտերֆաքս»-ը, հաղորդում է , որ Օքսֆորդի համերգը 35-րդն էր շրջագայությանը նախատեսված 37 ելույթներից։
Ինչպես հայտնում են ականատեսները, Ռին երգել է արդեն 40-45 րոպե, երբ հանկարծ բռնվել է խոսափողից և ընկել։ Ունկնդիրներին տեղեկացրել են, որ համերգը չեչարկված է, իսկ երաժշտին շտապօգնության մեքենայով անհապաղ հասցրել են հիվանդանոց։
Բժիշկներն ասել են, որ նրա վիճակը «կայուն է», այլ մանրամասներ չեն հաղորդվում։
Լուսանկարը՝ epa/vostock-photo
Բաժանորդագրվեք մեր ալիքին Telegram-ում