Ժամանակը Երևանում՝ 11:07:36,   15 Դեկտեմբեր

Երևանում կկառուցվի բազմաֆունկցիոնալ բիզնես կենտրոն. կստեղծվի 1000 աշխատատեղ


ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Կառավարությունն ընդունեց «Նորք հոգեբուժական կենտրոն» ԲԲԸ-ի կանոնադրական կապիտալը նվազեցնելու և պետական գույքն օտարելու մասին» որոշում: ՀՀ պետական գույքի կառավարման վարչության պետ Արման Սահակյանը նշեց, որ Նորք Մարաշում գտնվող համապատասխան գույքն ուղղակի վաճառքի ձևով օտարվելու է «Հին Նորք» բիզնես կենտրոն» ՓԲԸ-ին:

«Պայմանագրի կնքումից հետո 3 տարվա ընթացքում բիզնես կենտրոնը հիմնադիրների մասով փոխկապակցված «Սոֆթ Կոնստրակտ» ՍՊԸ-ի հետ համատեղ կիրականացնի 3 մլն ԱՄՆ դոլարին համարժեք դրամի ներդրում՝ բազմաֆունկցիոնալ բիզնես կենտրոն կառուցելու նպատակով և կստեղծի 1000 աշխատատեղ»,- «Արմենպրես»-ի հաղորդմամբ, ասաց Սահակյանը:

Այս ընկերությունները մասնագիտացված են տեղեկատվական տեխնոլոգիաների ոլորտում և վերջիններիս ստեղծած համակարգչային ծրագրերը մեծ ճանաչում ունեն ոչ միայն Հայաստանում, այլև երկրի սահմաններից դուրս: Ներդրումային ծրագրի իրականացման արդյունքում Երևանը կունենա նոր, համաշխարհային ստանդարտներին համապատասխան բիզնես կենտրոն: 



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ