Գևորգ Ղազարյանը չի իրացրել 11-մետրանոց հարվածը
13:58, 7 Դեկտեմբեր 2017
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի անդամ Գևորգ Ղազարյանը մասնակցել է «Մարիտիմու»-ի հերթական խաղին:
«Արմենպրես»-ի հաղորդմամբ` ֆուտբոլի Պորտուգալիայի գավաթի խաղարկության 1/8 եզրափակիչում «Մարիտիմու»-ն մրցում էր «Կովա դե Պիեդադ»-ի հետ: Խաղի հիմնական ժամանակը ավարտվել է ոչ-ոքի հաշվով և հետխաղյա 11-մետրանոց հարվածներում «Մարիտիմու»-ն պարտվել է:
Հայաստանի ազգային թիմի ֆուտբոլիստ Գևորգ Ղազարյանը փոխարինման է դուրս եկել 104-րդ րոպեին և չի կարողացել իրացնել 11-մետրանոց հարվածը:
«Մարիտիմու»-ն դուրս մնաց գավաթի խաղարկությունից:
Բաժանորդագրվեք մեր ալիքին Telegram-ում