Ժամանակը Երևանում՝ 11:07:36,   14 Դեկտեմբեր

Հայաստանում շենքերը սեյսմիկ վտանգի պահանջներին համապատասխանեցնելու համար 32-35 միլիարդ դոլար է անհրաժեշտ    


ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանում նոր կառուցված շենքերը լիովին համապատասխանում են ներկայիս սեյսմիկ վտանգի պահանջներին, սակայն հին շենքերը ամրացնելու համար բավականին խոշոր չափի ներդրումներ են անհրաժեշտ: ՀՀ ԿԱ քաղաքաշինության պետական կոմիտեի շինարարության եւ գիտատեխնիկական նորմավորման վարչության խորհրդական Ալեքսանդր Մովսիսյանը վստահեցրեց, որ նոր կառուցվող շենքերի որակը բավականին բարձր է:

«Ինչ վերաբերում է հին շենքերի ամրակայման և ներկայիս սեյսմիկ վտանգի պահանջներին համապատասխանեցնելու խնդրին, ապա դրա համար անհրաժեշտ է մոտ 32-35 միլիարդ դոլարի ներդրում, իսկ Երևանի համար` 12-15 միլիարդ դոլար»,-«Արմենպրես»-ի հաղորդմամբ` ասաց Մովսիսյանը:

ՀՀ ԱԻՆ «Սեյսմիկ պաշտպանության արևմտյան ծառայություն» ՊՈԱԿ-ի կառուցվածքների սեյսմակայունության կենտրոնի պետ Զավեն Խլղաթյանը նշեց, որ  2010 թվականին ճապոնական կազմակերպության հետ համատեղ կատարվել են Երևան քաղաքի սեյսմիկ ռիսկի գնահատում:

«Գնահատման բաղադրիչներն էին բազմաբնակարան շենքերը, որոնք Երևանում կազմում են մոտ 4800 շենք: Այդ շենքերը բաժանված են տարբեր  տիպերի՝ կապված կառուցապատման  տարեթվից, կիրառված նյութերից , շահագործման պայմաններից, գտնվելու վայրից և գրունտային պայմաններից: Ընդհանուր առմամբ` երկրաշարժի ժամանակ Երևանում շենքերի միայն 40 տոկոսը կարող են ենթարկվել մասնակի կամ ամբողջովին  փլուզման»,-ասաց Խլղաթյանը:

 



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ