ԶՈՒ ԳՇ պետի տեղակալ Հայկազ Բաղմանյանը զորացրվելու զեկուցագիր է ներկայացրել Վիգեն Սարգսյանի հորդորով
15:17, 5 Դեկտեմբեր 2017
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: Զինված ուժերի գլխավոր շտաբի պետի տեղակալ Հայկազ Բաղմանյանը զեկուցագիր է ներկայացրել զորացրվելու մասին: «Արմենպրես»-ի հաղորդմամբ` դեկտեմբերի 5-ին լրագրողների հետ զրույցում այս մասին նշեց ՀՀ պաշտպանության նախարար Վիգեն Սարգսյանը:
«Գեներալ Բաղմանյանը իմ հորդորով զեկուցագիր է ներկայացրել զորացրվելու մասին: Այդ որոշումները կայացնում է ՀՀ Նախագահը: Հորդորի պատճառը աշխատանքային պայմանավորվածությունների չկատարումն է, որը անհամատեղելի է հետագա համատեղ ծառայության հետ»,- նշեց Վիգեն Սարգսյանը:
Բաժանորդագրվեք մեր ալիքին Telegram-ում