Բեռլինում բացվել Է Կարեն Շահնազարովի ֆիլմերի հետահայաց ցուցադրությունը
ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: Բեռլինի կենտրոնում գտնվող Գիտության եւ մշակույթի ռուսական տանը (ԳՄՌՏ) դեկտեմբերի 3-ին անցկացվել Է Կարեն Շահնազարովի ստեղծագործական երեկոն: Ռեժիսորը գրեթե մեկ ժամ պատասխանել Է դահլիճում ներկա գտնվողների հարցերին, պատմել իր հին ու նոր ժապավենների մասին, պատմություններ Է հիշել իր կյանքից: Դրանից հետո գրեթե երկու հարյուր հանդիսականների ներկայությամբ կայացել Է «Աննա Կարենինա: Վրոնսկու պատմությունը» ֆիլմի ցուցադրությունը, տեղեկացնում Է «Արմենպրես»-ը:
Կիրակի օրվա սեանսով բացվել Է Շահնազարովի աշխատանքների հետահայաց ցուցադրությունը: Հաջորդ շաբաթվա ընթացքում ԳՄՌՏ-ում կցուցադրվեն «Ձմեռային երեկո Գագրայում», «Արքայասպանը», «Սուրհանդակը», «Հիվանդասենյակ թիվ 6», «Սպիտակ վագր», «Սերը ԽՍՀՄ-ում» ֆիլմերը:
«Մենք շատ հավանեցինք Մոսֆիլմի ժապավենները Բեռլին բերելու գաղափարը: Մենք պատրաստ ենք ամեն կերպ աջակցել այն բանին, որ դրանք այստեղ ավելի հաճախ ցուցադրվեն: Հուսով ենք, որ դա կանոնավոր բնույթ կկրի»,-ասել Է ռեժիսորը՝ հաղորդակցվելով դահլիճի հետ:
Բաժանորդագրվեք մեր ալիքին Telegram-ում