Ժամանակը Երևանում՝ 11:07:36,   13 Դեկտեմբեր

Հայտնի է Սերժ Թանկյանի երաժշտական մարտահրավերի ժյուրիի կազմը

Հայտնի է Սերժ Թանկյանի երաժշտական մարտահրավերի ժյուրիի կազմը

ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: System of a Down խմբի մենակատար Սերժ Թանգյանը կգլխավորի «7 նոտա» երաժշտական մարտահրավերի՝ համաշխարհային ճանաչում ունեցող ժյուրին։ Այս մասին «Արմենպրես»-ին տեղեկացրին Creative Armenia-ից՝ հավելելով. «Դիմումների ընդունման վերջնաժամկետը դեկտեմբերի 15-ն է։

Սերժ Թանկյանի «7 նոտա» երաժշտական մարտահրավերի ժյուրին արդեն հայտնի է։

Հայտերը կգնահատեն եւ 5,000 ԱՄՆ դոլար մրցանակի հաղթողին կորոշեն System of a Down խմբի բաս-կիթառիստ Շավո Օդաջյանը, Capital Cities խմբի աստղ Սեբու Սիմոնյանը, ջազ-ֆենոմ եւ կոմպոզիտոր Տիգրան Համասյանը, Հայաստանի Հանրապետության վաստակավոր արտիստ Վահագն Հայրապետյանը, UCLA համալսարանի Herb Alpert երաժշտական դպրոցի պրոֆեսոր եւ հիմնադիր-դեկան Ջուդիթ Սմիթը եւ հայտնի ռոք-աստղ ու մարտահրավերի հեղինակ Սերժ Թանկյանը։ 

Մարտահրավերը, որի մեկնարկը տրվեց հոկտեմբերին, մի պարզ նախապայման ունի. Սերժ Թանկյանը գրել է նոր երգի առաջին 7 նոտաները։ Կարո՞ղ եք ավարտել այն։ «7 նոտա» երաժշտական մարտահրավերի դիմումների ընդունման վերջնաժամկետը դեկտեմբերի 15-ն է, իսկ մրցանակը կազմում է 5,000 ԱՄՆ դոլար։ Հավելյալ տեղեկությունների եւ դիմումների համար այցելե’ք www.serjtankianchallenge.com:

Ստեղծարար մարտահրավերների շարքը ձեզ է ներկայացնում Creative Armenia-ն, որը շահույթ չհետապնդող կազմակերպություն է՝ թվային դարաշրջանում տաղանդ բացահայտելու, զարգացնելու եւ արտադրելու գլոբալ մանդատով»։

 




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ