Ժամանակը Երևանում՝ 11:07:36,   13 Դեկտեմբեր

Եգիպտոսում իրականացված ահաբեկչությունից հետո ոչնչացվել է 30 զինյալ


ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Եգիպտոսի իրավապահ մարմինները հակաահաբեկչական գործողությունների շրջանակում ոչնչացրել են 30 զինյալների: Ինչպես հաղորդում է «Արմենպրես»-ը, այս մասին հայտնում է Sky News Arabia-ն:

Ահաբեկիչները չեզոքացվել են էր-Ռիսան գյուղում՝ Սինայի թերակղզու կենտրոնական հատվածում: Բացի այդ, եգիպտական օդուժը ոչնչացրել է մի քանի ավտոմեքենա, որոնք ներգրավված են եղել մզկիթի վրա իրականացված հարձակման գործում:

Եգիպտոսի իրավապահ մարմինները շարունակում են ահաբեկիչների փնտրտուքները:

Նոյեմբերի 24-ին զինյալները Սինայի թերակղզում մտել էին մզկիթ և ռումբ էին պայթեցրել, ինչից հետո սկսել էին կրակել այդտեղից փախչող մարդկանց: Ահաբեկչությանը զոհ էր գնացել 235 մարդ, ևս 130-ը վիրավորվել էին:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ