Նյու Յորքը լցվել Է հսկայական փչովի խաղալիքներով
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ-ի ազգային տոնի՝ Գոհաբանության օրվա առթիվ Նյու Յորքում նոյեմբերի 23-ին անցկացվել Է ամենամյա հանդիսավոր շքերթը: Ավելի քան 3,5 մլն մարդ Էր հավաքվել քաղաքի փողոցներում՝ դիտելու այս գունեղ միջոցառումը Մանհեթենի կենտրոնում, տեղեկացնում Է «Արմենպրես»-ը:
Վիթխարի երթի մեկնարկը, որը կազմակերպվել Էր Macy՚s հանրախանութի կողմից, ավանդույթի համաձայն, տվել Է մեգապոլիսի քաղաքագլուխ Բիլ դե Բլազիոն: Շքերթի մասնակիցները շուրջ չորս կիլոմետր ձգվող երթուղին անցել են Վեցերորդ ավենյուով՝ Կենտրոնական զբոսայգուց մինչեւ հրապարակ, որտեղ գտնվում Է նյույորքյան այս հնագույն խանութներից մեկը: Նրանք տանում Էին մեծ թվով հսկայական տիկնիկներ եւ վիթխարի փուչիկներ՝ մուլտֆիլմերի եւ կոմիքսների հայտնի հերոսների տեսքով, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում