Ֆիզիկական մարզանքները կանխում են ծերունական թուլամտությունը. գիտնականներ
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Կոլումբիական համալսարանի (Նյու Յորք, ԱՄՆ) նյարդակենսաբանները պարզել են, որ ֆիզիկական մարզանքները կանխում են ծերունական թուլամտությունը: Այդ մասին, ինչպես տեղեկացնում «Արմենպրես»-ը, հայտնել Է New Scientist հանդեսը:
Մի խումբ հետազոտողներ՝ ֆիզիոլոգիայի եւ բժշկագիտության բնագավառում Նոբելյան մրցանակի դափնեկիր Էրիկ Քենդելի ղեկավարությամբ, ուսումնասիրել են 23 հազար գեն 33-ից մինչեւ 88 տարեկան հասակի մարդկանց ութ դիակների ուղեղի հյուսվածքներում: Գիտնականներին հայտնի Էր, որ ուղեղի հիպոկամպի ատամնավոր գալարներում RbAp48 սպիտակուցի պարունակության նվազումը հիշողության վատացման հիմնական պատճառն Է նորմալ ծերացման դեպքում: Քենդելի խմբի հետազոտությունը հավաստել Է, որ տարիքի հետ այդ սպիտակուցը կոդավորող գենը դառնում Է նվազ ակտիվ:
Այդ գործընթացը կանգնեցնելու համար մարդը պետք Է զբաղվի սպորտով: Ինչպես պարզել են նյարդակենսաբանները, ֆիզիկական ծանրաբեռնվածությունն, օրինակ՝ ծանրությունների բարձրացումը, հանգեցնում Է ոսկրային հյուսվածքից RbAp48 սպիտակուցի կապազերծման, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում