«Սան Խուանի» նավապետը մորը խոստացել Էր, որ դա կլինի իր վերջին նավարկությունը
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Արգենտինայի ռազմածովային ուժերի «Սան Խուան» կորած սուզանավի նավապետն իր մորը խոստացել Էր, որ դա կլինի իր վերջին նավարկությունը: Այդ մասին, ինչպես տեղեկացնում Է «Արմենպրես»-ը, գրել Է Gaceta տեղական հրատարակությունը:
«Նա ասաց, որ դա կլինի իր վերջին նավարկությունը սուզանավով, եւ դրանից հետո ինքը ծառայության կփոխադրվի ափ»,- հրատարակության հետ զրույցի ժամանակ հայտնել Է սուզանավորդի մայրը: Նավապետ Ֆեռնանդեսն ամուսնացած Է եւ ունի երեք երեխա:
Ավելի վաղ հայտնի Է դարձել, որ վերջին անգամ կապի մեջ մտնելու պահին սուզանավի անձնակազմը հայտնել Է ծագած վթարի մասին: Արգենտինայի ռազմածովային ուժերը հայտնել են, որ տեղեկատվություն ունեն պայթյունի մասին, որը կարող Է կապված լինել սուզանավի անհետացման հետ:
Սուզանավի որոնումներին միացել են ԱՄՆ-ը, Մեծ Բրիտանան, Բրազիլիան, Ռուսաստանը, Չիլին, ինչպես նաեւ NASA-ն, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում