ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Թբիլիսիում նոյեմբերի 22-ին իրականացված հակահաբեկչական գործողության շրջանակներում ձերբակալված տղամարդուն մեղադրանք Է առաջադրվել Վրաստանի Քրեական օրենսգրքի երկու հոդվածներով: Նոյեմբերի 23-ին այս մասին հայտնել Է "Грузия Online" հրատարակությունը, տեղեկացնում Է «Արմենպրես»-ը:

«Մեղադրանքն առաջադրվել Է արտասահմանյան ակաբեկչական կազմակերպությանը միանալու եւ ահաբեկչական գործունեության մեջ վերջինիս օգնություն ցույց տալու, ինչպես նաեւ ահաբեկչության նպատակով ապօրինի հրազեն, ռազմամթերք, պայթանյութեր եւ պայթուցիկ սարքեր ձեռք բերելու, պահելու եւ կրելու համար»,- մեջբերում Է "Грузия Online"-ը դատախազության հայտարարությունից: Նրա տվյալներով՝ դա ենթադրում Է 10-ից մինչեւ 17 տարի ժամկետով ազատազրկում: Ավելի վաղ ձերբակալվածի փաստաբան Իմեդա Կարկաշաձեն հայտնել Է, որ իր պաշտպանյալն ունի Ռուսաստանի քաղաքացիություն: Կասկածյալի անունը չի հրապարակվում:

Նոյեմբերի 22-ի երեկոյան Վրաստանի Պետանվտանգության ծառայությունը հայտարարել Է հանցավոր խմբի մեկ անդամի ձերբակալման եւ երեքի ոչնչացման մասին, որոնք Վրաստանի քաղաքացիներ չեն: Գործողության ընթացքում ուժայինների կորուստները կազմել են մեկ սպանված եւ չորս վիրավոր: Ավելի ուշ երկրի ներքին գործերի նախարարության ղեկավար Գեորգի Գախարիան հայտարարել Է, որ խոսքը վերաբերում Է «միջազգային ահաբեկչության փաստի», եւ հատուկ գործողության հետաքննութունը վարվում Է նաեւ այլ երկրներում, հաղորդել Է ՏԱՍՍ-ը: