Երևանում՝ 11:07,   19 Մարտ 2024

Օվկիանոս-մոլորակները կենսազուրկ են. գիտնականներ

Օվկիանոս-մոլորակները կենսազուրկ են. գիտնականներ
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ-ի Արիզոնայի նահանգի համալսարանի գիտնականները հանգել են այն եզրակցության, որ լիովին կամ գրեթե լիովին օվկիանոսներով ծածկված մոլորակները հարմար չեն կյանքի որոնման համար: Այդ երկնային մարմինների ջրում բացակայում Է ֆոսֆորը՝ ԴՆԹ-ի եւ մյուս կենսաբանական մոլեկուլների հիմնական բաղադրիչը: Այս մասին, ինչպես տեղեկացնում Է «Արմենպրես»-ը, հայտնել Է NewScientist հրատարակությունը:

Հետազոտողների կարծիքով՝ կյանքի զարգացումը տեղի Է ունենում սոսկ այն դեպքում, երբ մոլորակի մակերեւույթին ընթանում են հողմահարման՝ ջրի կամ մթնոլորտային գազերի ներգործությունից լեռնային ապարների քայքայման գործընթացներ: Ֆոսֆորն անձրեւային հոսքերի հետ օվկիանոսներ Է լցվում ցամաքից, սակայն, եթե ցամաք չկա, ապա կյանքի համար անհրաժեշտ տարրի պարունակությունը երեք - չորս անգամ պակաս կլինի, քան Երկրի վրա:

Այն դեպքում, եթե օվկիանոս-մոլորակների վրա կենդանի օրգանիզմներ, այնուամենայնիվ, հայտնվեն, դրանք կհիշեցնեն միկրոսկոպիկ ջրիմուռներ, իսկ դրանց թիվը չափազանց փոքր կլինի, որպեսզի մթնոլորտը թթվածնով հագեցնեն Երկրի համար բնորոշ խտություններով: Գիտնականների խոսքով՝ դա վկայում Է այն մասին, որ կյանքի համար պիտանի մոլորակների թիվն ավելի քիչ Է, քան ավելի վաղ կարծում Էին: Նույնիսկ եթե երկնային մարմինը գտնվում Է ծնողական աստղից օպտիմալ հեռավորության վրա, եւ հեղուկ ջրի գոյությունն այնտեղ հնարավոր Է, ապա դա բավարար պայման չԷ օրգանիզմների առաջացման համար:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]