Մեքսիկայում երեք բնակելի շենք Է փլվել փոսորակի մեջ
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Մեքսիկայում մի քանի բնակելի տուն Է փլվել կառուցվող առեւտրական կենտրոնի փոսորակի մեջ: Մեկ մարդ զոհվել Է, երեքն անհայտ կորել, եւս մի քանիսը վնասվածքներ են ստացել: Այդ մասին, ինչպես տեղեկացնում Է «Արմենպրես»-ը, հայտնել Է Telemundo-ն:
Միջադեպը տեղի Է ունեցել Մոնտերեյ քաղաքում (Նուեվո Լեոնի նահանգ): Քանդված տների քանակի վերաբերյալ տվյալները տարբերվում են, տեղական զանգվածային լրատվամիջոցները հայտնում են ինչպես երեք, այնպես Էլ չորս շենքերի մասին: Իշխանությունները պնդում են, որ այդ տները մի քանի շաբաթ առաջ տարաբնակեցվել են, եւ թե ինչու են այնտեղ մարդիկ հայտնվել, հասկանալի չԷ: Հեռուստաալիքի տվյալներով՝ տուժածները կարող են լինել շինարարական ընկերության աշխատողներ: Պատահարի վայրում շարունակվում Է փրկարարական գործողությունը: Իրավապահ մարմինները հետաքննություն են սկսել:
Բաժանորդագրվեք մեր ալիքին Telegram-ում