ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ-ի Կալիֆոռնիայի նահանգի նահանգապետ Ջերի Բրաունն ստորագրել Է հրամանագիր 38 տարի բանտում նստած 70-ամյա կալանավորիին ազատ արձակելու մասին այն բանից հետո, երբ ԴՆԹ-ի նմուշի անալիզը հաստատել Է նրա անմեղությունը:

Այդ մասին, ինչպես տեղեկացնում Է «Արմենպրես»-ը, հայտնել Է ABC հեռուստաալիքը: Նրա տվյալներով՝ 1980 թվականին Քրեյգ Ռիչարդ Քոուլին մեղավոր Է ճանաչվել իր նախկին ընկերուհու եւ նրա չորսամյա որդու սպանության մեջ եւ դատապարտվել ցմահ բանտարկության: Քոուլիի գործի վերաքննումն սկսվել Է մեկ տարի առաջ, այն բանից հետո, երբ խուզարկուներից մեկն սկսել Է կասկածել դատավճռի ճշտությանը:

Օգտագործելով արդի տեխնոլոգիաները, որոնք մատչելի չԷին հետաքննության պահին, գիտնականներն ապացուցել են, որ գլխավոր հանցանշանի վրա գտնված՝ ԴՆԹ-ի նմուշը չի պատկանում դատապարտված տղամարդուն: Կալիֆոռնիայի նահանգապետն ստորագրել Է հրամանագիր բանտից Քոուլիին անհապաղ ազատ արձակելու մասին: Բրաունը նշել Է, որ տղամարդն օրինակելի կալանավոր Է եղել 38 տարվա ընթացքում՝ խուսափելով հանցախմբերից եւ բռնությունից, ինչպես նաեւ իրեն նվիրել Է կրոնին, հաղորդել Է ՌԻԱ Նովոստին: