ՍԴ-ն միջազգային 3 պայմանագրերի գործով որոշում կայացրեց
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Սահմանադրական դատարանը ՀՀ Նախագահի դիմումի հիման վրա նոյեմբերի 21-ին քննության էր առել միջազգային 3 պայմանագրերի` ՀՀ Սահմանադրությանը համապատասխանության հարցը որոշելու վերաբերյալ գործը: Ինչպես տեղեկացնում է «Արմենպրես»-ը, առաջին պայմանագիրը վերաբերվում է 2017 թվականի մայիսի 26-ին Կազանում ստորագրված Եվրասիական տնտեսական միության անդամ պետությունների կողմից արդյունաբերական ապրանքների նկատմամբ հատուկ սուբսիդիաները Եվրասիական տնտեսական հանձնաժողովի հետ կամավոր համաձայնեցնելու և ԵԱՏՄ-ի անդամ պետությունների կողմից հատուկ սուբսիդիաների տրամադրման հետ կապված Եվրասիական տնտեսական հանձնաժողի կողմից քննություն անցկացնելու կարգի մասին համաձայնագրում ամրագրված պարտավորություններին:
Երկրորդը պայմանագիրը վերաբերում է «TRACECA մուլտիմոդալ փոխադրումների զարգացման մասին» համաձայնագրում ամրագրված պարտավորություններին,իսկ երրորդը` «Ճանապարհային նշանների և ազդանշանների մասին» կոնվենցիայում ամրագրված պարտավորություններին:
Սահմանադրական դատարանը որոշեց, որ վերոհիշյալ միջազգային 3 պայմանագրերը համապատասխանում են ՀՀ Սահմանադրությանը:
Բաժանորդագրվեք մեր ալիքին Telegram-ում