Ժամանակը Երևանում՝ 11:07:36,   15 Դեկտեմբեր

Հայաստանում այս տարվա 10 ամիսներին ավտովթարներից զոհվել է 228 մարդ


ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ:Հայաստանի Հանրապետությունում 2017 թվականի հունվարից նոյեմբեր ընկած ժամանակահատվածում 2940 ճանապարհատրանսպորտային պատահարների հետևանքով զոհվել է 228 մարդ,  տարբեր աստիճանի մարմնական վնասվածք ստացել 4352 մարդ:  

Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից,  ճանապարհային ոստիկանությունը հունվարից հոկտեմբեր արձանագրել է վարորդների կողմից վազանցի կանոնների խախտման 6049 դեպք:

Ճանապարհապարեկային ծառայության ավագ տեսուչ Խաչատուր Սամվելյանի խոսքով` ՃՈ-ի կողմից ուսումնասիրությունները ցույց են տվել, որ միջպետական և միջքաղաքային ավտոճանապարհներին տեղի ունեցող վթարների գերակշիռ մասը վարորդների կողմից վազանցի կանոնները խախտելու հետևանքով են:

«Հաճախ վերելքի վերջում շրջադարձ կատարելիս, երբ տեսադաշտը սահմանափակ է, վարորդները կատարում են վազանց, ինչի հետևանքով բախվում են հանդիպակաց երթևեկող տրասնպորտային միջոցի հետ»,- ասել է Սամվելյանը:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ