Երևանում տեղի ունեցած դանակահարության դեպքի առթիվ հարուցվել է քրեական գործ
18:12, 17 Նոյեմբեր 2017
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Երևանում նոյեմբերի 16-ին երիտասարդների մասնակցությամբ տեղի ունեցած դանակահարության դեպքի առթիվ հարուցվել է քրեական գործ: Ինչպես «Արմենպրես»-ին տեղեկացրին ՀՀ դատախազության հանրային կապերի բաժնից, դեպքի առթիվ քրեական գործ է հարուցվել ՀՀ Ք.Օ 112-րդ հոդվածի 1 մասի( դիտավորությամբ առողջությանը ծանր վնաս պատճառելը) և 113- րդ հոդվածի 2 մասի ( նույն արարքը` որը կատարվել է երկու կամ ավելի անձանց նկատմամբ) հատկանիշներով:
Նոյեմբերի 16-ին «կտրած- ծակած վերքեր» ախտորոշմամբ` «Սուրբ Գրիգոր Լուսավորիչ» բժշկական կենտրոն էին տեղափոխվել երեք քաղաքացի:
Համացանցում շրջանառվող տեղեկությունների համաձայն` հիվանդանոց տեղափոխված երիտասարդները գտնվում են վերակենդանացման բաժանմունքում:
Բաժանորդագրվեք մեր ալիքին Telegram-ում