Պերուի ֆուտբոլի ընտրանին 1982 թվականից ի վեր առաջին անգամ կմասնակցի Մունդիալին
11:16, 16 Նոյեմբեր 2017
ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ: Ֆուտբոլի աշխարհի առաջնության հերթական ուղեգիրը նվաճեց Պերուի ազգային ընտրանին:
«Արմենպրես»-ի հաղորդմամբ` անցումային խաղերում Պերուի թիմը մրցեց Նոր Զելանդիայի ընտրանու հետ: Թիմերի առաջին հանդիպումն ավարտվեց զրոյական ոչ-ոքի հաշվով: Պատասխան խաղում Պերուն 2:0 հաշվով հաղթեց Նոր Զելանդիայի ընտրանուն: 1982 թվականից ի վեր Պերուն առաջին անգամ կմասնակցի Մունդիալին:
Ֆուտբոլի աշխարհի 2018 թվականի առաջնությունը կանցկացվի Ռուսաստանի 11 քաղաքի 12 մարզադաշտում: Եզրափակիչ հանդիպումը կկայանա Մոսկվայի «Լուժնիկի»-ում:
Բաժանորդագրվեք մեր ալիքին Telegram-ում