Հաղթանակը մնում է հաղթանակ. Վարազդատ Հարոյան
22:00, 13 Նոյեմբեր 2017
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի պաշտպան Վարազդատ Հարոյանի կարծիքով հաղթանակը հաղթանակ է անկախ խաղի բնույթից:
«Շատ ուրախ եմ, որ անհաջող հանդիպումներից հետո կարողացանք հաղթենք երկու խաղերում էլ, թեպետ դրանք ընկերական էին: Հաղթանակը մնում է հաղթանակ: Ուրախ եմ, որ հաջողվեց գոլի հեղինակ դառնալ: Գոլս նվիրում եմ կնոջս, ով առաջին անգամ եկել էր մարզադաշտ և խաղին հետևում էր տրիբունայից: Ինձ համար շատ մեծ պատիվ է կրել Հայաստանի ֆուտբոլի ազգային թիմի ավագի թևկապը»-«Արմենպրես»-ի հաղորդմամբ՝ լրագրողների հետ զրույցում ասաց Հարոյանը:
Ֆուտբոլի Հայաստանի ազգային թիմը Կիպրոսի դեմ ընկերական խաղում Հայկ Իշխանյանի, Վարազդատ Հարոյանի և Հենրիխ Մխիթարյանի գոլերի շնորհիվ հաղթեց մրցակցին:
Բաժանորդագրվեք մեր ալիքին Telegram-ում