Դավիթ Լոքյանը մի քանի համայքների շնորհակալագրեր է հանձնել իրականացված աշխատանքների համար
18:15, 10 Նոյեմբեր 2017
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ։ «Հայացք ապագային. Ապակետրոնացման նոր օրակարգ» խորագրով համաժողովի շրջանակում տեղի ունեցավ շնորհակալագրերի պարգևատրման արարողություն։ «Արմենպրես»-ի հաղորդմամբ՝ արարողությունը կայացավ ՀՀ ՏԻՄ համակարգի ներդրման 21-ամյակի առթիվ՝ անցած տարիներին իրականացված աշխատանքների և ձեռքբերումների համար։
ՀՀ տարածքային կառավարման և զարգացման նախարար Դավիթ Լոքյանը շնորհակալագրերով պարգևատրեց Գեղարքունիքի մարզի Գավառ և Կարմիրգյուղ, Վայոց Ձորի մարզի Եղեգնաձոր և Շիրակի մարզի Սարապատ համայնքները։ «Բարի երթ եմ մաղթում մեր համայնքներին և մեծագույն հաջողություններ»,- ընդգծեց Լոքյանը։
Բաժանորդագրվեք մեր ալիքին Telegram-ում