1000х90.jpg (78 KB)

Երևանում՝ 11:07,   28 Մարտ 2024

Շատ կարևոր էր քրիստոնեության բնօրրանում լինելը. Նախագահ Դոդոնին ոգեշնչել է Էջմիածնում հյուրընկալվելը

Շատ կարևոր էր քրիստոնեության բնօրրանում լինելը. Նախագահ Դոդոնին ոգեշնչել է 
Էջմիածնում հյուրընկալվելը

ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Մոլդովայի Հանրապետության նախագահ Իգոր Դոդոնը տպավորված է Մայր տաճարով և այն մարդկանց հետ շփումներով, ովքեր պահպանում են քրիստոնեական արժեքները: Այս մասին Մայր Աթոռ Սուրբ Էջմիածին իր այցի շրջանակում լրագրողների հետ զրույցում ասաց նախագահ Դոդոնը: «Ինձ համար որպես ուղղափառ քրիստոնյայի և մի երկրի ղեկավարի, որտեղ բնակչության ավելի քան 98 տոկոսը ուղղափառ քրիստոնյաներ են, շատ կարևոր էր քրիստոնեության բնօրրանում լինելը: Քրիստոնեությունն հայտնվել է այս հողում ավելի շուտ, քան այլ երկրներում: Ոգեշնչում են սուրբ վայրերը, 4-րդ դարի այս տաճարը, որտեղ մենք գտնվում ենք, ու մարդկանց հետ շփումները, ովքեր պահպանում են այս արժեքները»,-«Արմենպրես»-ի հաղորդմամբ` ասաց Իգոր Դոդոնը:

Նա ցանկացավ աշխարհասփյուռ հայերին հավատ, լավատեսություն ու նշեց, որ վստահ է` ամեն ինչ կստացվի թե հայ ազգի, թե մոլդովացիների մոտ:
Մոդովայի նախագահին Էջմիածնում դիմավորեց ու Հայ Առաքելական եկեղեցու ժառանգությանը ծանոթացրեց Մայր Աթոռի արտաքին հարաբերությունների և արարողակարգի բաժնի պետ Տեր Նաթան արքեպիսկոպոս Հովհաննիսյանը:

Բարձրաստիճան հյուրն իր տիկնոջ և մյուս ուղեկցողների հետ շրջեց Ալեք և Մարի Մանուկյանների Գանձատուն-թանգարանում, եղավ Մայր տաճարի թանգարանում, որտեղ նախագահին ցույց տվեցին հատկապես Սուրբ Գեղարդը, որով խոցել են Քրիստոսին, այցն ավարտեց մոմավառությամբ:

Մայր Աթոռից նախագահ Դոդոնը հեռացավ «Գանձեր սուրբ Էջմիածնի» և հայ մեծ ծովանկարիչ Հովհաննես Այվազովսկու նկարների պատկերագրքերով:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]