1000х90.jpg (78 KB)

Երևանում՝ 11:07,   28 Մարտ 2024

ՀՀ-ում և Արցախում ընտրվել է զարգացման լավագույն ճանապարհը. Արա Բաբլոյանը՝ սահմանադրական բարեփոխումների մասին

ՀՀ-ում և Արցախում ընտրվել է զարգացման լավագույն ճանապարհը. Արա Բաբլոյանը՝ 
սահմանադրական բարեփոխումների մասին

ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Հայաստանում և Արցախում իրականացված սահմանադրական փոփոխություններն անհրաժեշտ են պետության առավել արդյունավետ կառավարման և ժողովրդավարության մակարդակի բարձրացման համար: Հայաստանի և Արցախի Հանրապետությունների Ազգային ժողովների միջև համագործակցության միջխորհրդարանական հանձնաժողովի 12-րդ նիստի  ընթացքում այս մասին ասաց ՀՀ Ազգային ժողովի նախագահ Արա Բաբլոյանը: «Հանրաքվեի արդյունքում Հայաստանում և Արցախում ընդունվել է զարգացման այն ճանապարհը, որը լավագույնս է համապատասխան երկրների ներքին և արտաքին առանձնահատկություններին: Անշուշտ, հետբարեփոխումային գործընթացները Հայաստանում և Արցախում ունեն ընդհանրություններ և առանձնահատկություններ: Հայկական երկու պետությունների գոյությունը մեր ժողովրդի հարստությունն է: Մենք պարտավոր ենք պաշտպանել և զարգացնել այն՝ համատեղ ջանքերով և գործողություններով»,- «Արմենպրես»-ի փոխանցմամբ՝ ասաց ՀՀ ԱԺ նախագահը:

Արցախի Ազգային ժողովի նախագահ Աշոտ Ղուլյանն իր հերթին ընդգծեց, որ, չնայած Հայաստանում և Արցախում սահմանադրական փոփոխություններից հետո  պետական կառավարման մոդելների տարբերություններին, այս ոլորտում համատեղ քննարկումների անհրաժեշտություն կա: «Այս հարթակը ոչ միայն հնարավորություն է օրենսդրական փորձի փոխանակման տեսանկյունից, այլ նաև յուրահատուկ խողովակ է մեզ համար՝ ինչպես տարբեր երկրների խորհրդարանականների հետ կապեր հաստատելու, այնպես էլ միջազգային խորհրդարանական ամբիոնից Արցախի դիրքորոշման մասին բարձրաձայնելու համար»,-նշեց Աշոտ Ղուլյանը՝ ընդգծելով, որ ՀՀ Ազգային ժողովի հետ համագործակցությունն իրենց համար ամենակայացածն ու արդյունավետն է:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]