ԱՄՆ-ը Դոնբասում 20 հազար խաղաղապահներ տեղաբաշխելու ծրագիր Է պատրաստել. WSJ
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ-ը պատրաստվում Է Դոնբասում 20 հազար միջազգային խաղաղապահների տեղաբաշխման ծրագիր առաջարկել Ռուսաստանին: Այդ մասին, ինչպես տեղեկացնում Է «Արմենպրես»-ը, հայտնել The Wall Street Journal թերթը:
Սպասվում Է, որ ԱՄՆ-ի ներկայացուցիչներն այդ գաղափարը ռուս գործընկերների հետ կքննարկեն առաջիկա օրերի ընթացքում, նշել են հրատարակության աղբյուրները:
Նշվում Է, որ առաջարկը պատասխան Է տարածաշրջանում խաղաղապահ առաքելություն տեղաբաշխելու Ռուսաստանի նախաձեռնությանը, որը սեպտեմբերին ներկայացվել Էր ՄԱԿ-ի Անվտանգության խորհրդում:
Հրատարակությունը նաեւ գրում Է, որ արեւմտյան մի քանի մայրաքաղաքներում, ներառյալ Փարիզը եւ Բեռլինը, հույս կա, որ Ռուսաստանի նախագահ Վլադիմիր Պուտինը ցանկանում Է ելք գտնել Ուկրաինայի արեւելքում շարունակվող հակամարտությունից:
Սպիտակ տանը հրաժարվել են մեկնաբանել The Wall Street Journal-ի տեղեկատվությունը:
ԱՄՆ-ի Պետդեպարտամենտի Ուկրաինայի հարցերով հատուկ ներկայացուցիչ Քուրթ Վոլքերը նոյեմբերի 4-ին հայտարարել Է, որ Վաշինգտոնում հետաքրքիր են համարում Դոնբասում խաղաղապահ առաքելություն տեղաբաշխելու ռուսական նախաձեռնությունը: Նա նաեւ հայտնել Է, որ Վաշինգտոնը խնդրել Է Կիեւին՝ «չներկայացնել մրցակից բանաձեւ», այլ «փորձել համաձայնության հասնել» եւ ՄԱԿ-ի խաղաղապահ առաքելության հնարավոր տեղաբաշխման «սկզբունքների ու բաղադրատարրերի շուրջ պայմանավորվել» ռուսական նախաձեռնության շրջանակներում:
Բաժանորդագրվեք մեր ալիքին Telegram-ում