ՀՀԿ-ական Արթուր Սարգսյանը կշարունակի ղեկավարել Սիսիանը
11:40, 6 Նոյեմբեր 2017
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Սիսիան համայնքի ղեկավար Արթուր Սարգսյանը նոյեմբերի 5-ին կայացած ՏԻՄ ընտրությունների նախնական արդյունքներով վերընտրվել է համայնքի ղեկավարի պաշտոնում: Ինչպես հաղորդում է «Արմենպրես»-ը, վկայակոչելով Կենտրոնական ընտրական հանձնաժողովը, նախնական արդյունքներով՝ Արթուր Սարգսյանի օգտին քվեարկել է 10 հազար 457 ընտրող:
Նրա մրցակից, ԲՀԿ-ական Կարեն Համբարձումյանի օգտին, ով վերջին պահին հանել էր թեկնածությունը, սակայն անունը ներառված էր քվեաթերթիկում, քվեարկել է 1992 ընտրող:
Սիսիանում ընտրելու իրավունք ունեցող 23 հազար 213 մարդուց ընտրություններին մասնակցել է 12 հազար 637-ը:
Բաժանորդագրվեք մեր ալիքին Telegram-ում