Նախարար Արտեմ Ասատրյանն ընդունել է ԵՄ պատվիրակության ղեկավար, դեսպան Պյոտր Սվիտալսկիին
ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ: ՀՀ աշխատանքի և սոցիալական հարցերի նախարար Արտեմ Ասատրյանը նոյեմբերի 2-ին ընդունել է ՀՀ-ում Եվրոպական Միության պատվիրակության ղեկավար, դեսպան Պյոտր Սվիտալսկիին:
Ինչպես «Արմենպրես»-ին տեղեկացրին ՀՀ աշխատանքի և սոցիալական հարցերի նախարարության հասարակայնության հետ կապերի բաժնից, հանդիպման ընթացքում քննարկվել են աշխատանքային օրենսգրքի նախատեսված փոփոխությունները, աշխատանքային իրավունքների պաշտպանությանն ուղղված գործընթացները:
Նախարար Արտեմ Ասատրյանը ներակացրել է ներկայում շրջանառության մեջ դրված աշխատանքային օրենսգրքի փոփոխությունների հիմնական ուղղությունները՝ նշելով, որ փոփոխությունների հիմնական նպատակը Հայաստանի Հանրապետության կողմից ստանձնած միջազգային պարտավորությունների կատարումն է, ինչպես նաև սոցիալական գործընկերության զարգացման հենքի վրա գործատուի և աշխատողի իրավունքների, պարտականությունների արդյունավետ հավասարակշռումը:
Հանդիպմանը քննարկվել են նաև աշխատանքային իրավունքների պաշտպանության նկատամամբ տեսչական մարմինների վերահսկողութան որոշ հարցեր:
ԵՄ պատվիրակության ղեկավարը աշխատանքի ոլորտում իրականացվող բարեփոխումների գործընթացում համագործակցության և հետագա աջակցության պատրաստակամություն է հայտնել:
Բաժանորդագրվեք մեր ալիքին Telegram-ում