Երկու ընկերությունները կատաղի դատավեճ են սկսել. Apple-ը Qualcomm-ին մեղադրում Է շուկայի մենաշնորհացման եւ իր մշակած տեխնոլոգիաների, որոնք ընկած են արդի կապի համակարգերի հիմքում, օգտագործման համար թույլատրագրային վճարումների գումարների բարձրացման մեջ: Որպես հետեւանք, Apple-ը հրաժարվել Է վճարել թույլատրագրային տուրքերը, ինչի համար Qualcomm-ը պահանջներ Է առաջադրել Apple-ին արտոնագրային իրավունքների խախտման կապակցությամբ:

Աղբյուրների խոսքով՝ դատական քննության պատճառով Qualcomm-ը հրաժարվել Է Apple-ին տրամադրել այն ծրագրային ապահովումը, որն անհրաժեշտ Է iPhone-ի եւ iPad-ի նախատիպերում անհաղորդալար կապի համար նրա միկրոչիպերի թեստավորման նպատակով: Դրանից հետո Apple-ը որոշել Է անցնել Intel-ի եւ, հնարավոր Է, MediaTek-ի չիպերին:

Macquarie Capital հետազոտական ընկերության գնահատումների համաձայն՝ անցյալ տարի Qualcomm-ն Apple-ին վաճառել Է շուրջ 3,2 միլիարդ դոլար գումարի միկրոչիպեր անհաղորդալար կապի համար, ինչը կազմում Է ընկերության միկրոչիպերի բոլոր վաճառքների մոտավորապես 20 տոկոսը, հաղորդել Է «Ինտերֆաքս»-ը: