ԱԺ քառօրյա. սպասվում են քվեարկություններ. ՈՒՂԻՂ
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Ազգային ժողովում մեկնարկել է խորհրդարանական հերթական քառօրյայի վերջին նիստը: Ինչպես հաղորդում է «Արմենպրես»-ը, պատգամավորները սպառել են քառօրյա նիստերի օրակարգը, և հոկտեմբերի 27-ի նիստում քվեարկության կդրվեն նախորդ օրը քննարկված հարցերը:
Առաջին ընթերցմամբ ընդունելու համար քվեարկության կդրվի «Զինվորական ծառայության և զինծառայողի կարգավիճակի մասին» օրենքի նախագիծը, որի քննարկումն անցած երկու օրերի ընթացքում անցավ բավականին թեժ մթնոլորտում:
Պատգամավորները կքվեարկեն նաև «Քաղաքական ապաստան տալու մասին» օրենքում փոփոխություններ և լրացումներ կատարելու մասին, «Արտակարգ դրության մասին» օրենքում փոփոխություններ և լրացումներ կատարելու մասին, Քրեական և վարչական իրավախախտումների մասին օրենսգրքերում փոփոխություններ կատարելու մասին և մի շարք այլ օրենքի նախագծեր:
Բաժանորդագրվեք մեր ալիքին Telegram-ում