«Մեր տունը Եվրոպան Է: Բայց նա շատ վատ վիճակում Է եւ կարող Է վերածվել դատարկ կարկասի»,- հայտարարել Է նա՝ ելույթ ունենալով Կատալոնիայի արդյունաբերողների ու ձեռնարկատերերի միության՝ Cecot-ի երեկոյան ժողովում, հայտնել Է ինքնավարության կառավարության մամուլի ծառայությունը:

Հոկտեմբերի 23-ին Եվրահանձնաժողովի պաշտոնական ներկայացուցիչ Մարգարիտիս Սհինասը, անդրադառնալով Կատալոնիայի հանրաքվեին ի պատասխան Մադրիդի կողմից արտակարգ միջոցների, մասնավորապես, Սահմանադրության 155-րդ հոդվածի կիրառմանը, հայտարարել Է, որ Կատալոնիայում ուղղակի կառավարում մտցնելը Մադրիդի սահմանադրական իրավունքն Է:

«Եվրահանձնաժողովի դիրքորոշումը ոչ մի փոփոխության չի ենթարկվել հոկտեմբերի 2-ից, ինչի մասին քանիցս հրապարակավ հայտարարել Է ԵՀ-ի ղեկավար Ժան Կլոդ Յունկերը: Մենք հանդես ենք գալիս հաջակցություն Իսպանիայի սահմանադրական եւ իրավական կարգի, եւ հիշատակված միջոցառումներն ամբողջ ծավալով տեղավորվում են այս սահմանադրական համատեքստում»,-հայտարարել Է Սհինասը: Երկուշաբթի ավելի վաղ հայտնի Է դարձել անձամբ Մադրիդ ուղեւորվելու եւ Իսպանիայի Սենատի (խորհրդարանի վերին պալատի) նիստին մասնակցելու Պուչդեմոնի պլանների մասին, որպեսզի շարադրի Բարսելոնայի դիրքորոշումը թագավորության կառավարության հետ վեճում:

Իսպանիայի կառավարությունը հոկտեմբերի 21-ի արտահերթ հանդիպմանը որոշում Է ընդունել Կատալոնիայի ինքնավար հանրակցության նկատմամբ Իսպանիայի Սահմանադրության 155-րդ հոդվածի կիրառման մասին, որով Կատալոնիայի ամբողջ ղեկավարությունը կարող Է հեռացվել իշխանությունից, իսկ նրա լիազորությունները կիրականացնի Մադրիդի կողմից նշանակված ներկայացուցիչը:

Այժմ իսպանական կառավարության որոշումը պետք Է հաստատի Սենատը, որի՝ այդ խնդրին նվիրված նստաաշրջանը նշանակված Է հոկտեմբերի 27-ին, հաղորդել Է ՏԱՍՍ-ը: