Anonymus-ի հաքերները կաթվածահար են արել Իսպանիայի Սահմանադրական դատարանի պաշտոնական կայքը
14:46, 21 Հոկտեմբեր 2017
ԵՐԵՎԱՆ, 21 ՀՈԿՏԵՄԲԵՐԻ, ԱՐՄԵՆՊՐԵՍ: Իսպանիայի Սահմանադրական դատարանի պաշտոնական կայքը հարձակման է ենթարկվել Anonymus խմբի հաքերների կողմից. կայքի աշխատանքը կաթվածահար է եղել: Ինչպես փոխանցում է «Արմենպրես»-ը, վկայակոչելով «Ռիա-նովոստի»-ն, այդ մասին նշված է Իսպանիայի ազգային անվտանգության դեպարտամենտի հայտարարության մեջ:
Anonymus-ի հաքերները հայտարարել են OpCatalunya և FreeCatalunya անվանումներով մասսայական հարձակումների մասին:
Չի բացառվում, որ հաքերների հարձակումները կապված են Իսպանիայի նախարարական կաբինետի արտակարգ նիստի հետ, որտեղ քննարկվելու է Իսպանիայի Սահմանադրության 155-րդ հոդվածի կիրառման հնարավորությունը, որի համաձայն՝ կենտրոնական իշխանությունները կարող են կասցենել Կատալոնիայի ինքնավարության կարգավիճակը:
Բաժանորդագրվեք մեր ալիքին Telegram-ում