Պուտինը պատասխանել է հարցին՝ արդյոք կինը կարող է դառնալ ՌԴ նախագահ
20:42, 19 Հոկտեմբեր 2017
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: ՌԴ նախագահ Վլադիմիր Պուտինը չի բացառում, որ երկրի հաջորդ նախագահը կարող է կին լինել: «Մեզ մոտ ամեն ինչ հնարավոր է»,- «Վալդայ» ֆորումի ընթացքում ասել է Պուտինը՝ ի պատասխան հարցին՝ արդյոք կարող է ՌԴ հաջորդ նախագահ դառնալ կին, հայտնում է «Արմենպրես»-ը՝ վկայակոչելով «ՌԻԱ Նովոստի» գործակալությունը:
Ռուսաստանում նախագահական հաջորդ ընտրությունները կայանալու են 2018 թվականին: Ավելի վաղ «Վեդոմոստի» թերթը վկայակոչելով ՌԴ նախագահի աշխատակազմին մոտ աղբյուրը, տեղեկացրել էր, որ ՌԴ հաջորդ նախագահը կարող է լինել կին: ԶԼՄ-ները ենթադրել են, որ խոսքը կարող է վերաբերել Քսենիա Սոբչակին: Հեռուստամեկնաբանը հոկտեմբերի 18-ին հայտարարել է, որ առաջիկա ընտրություններին իր թեկնածությունն առաջադրելու է:
Բաժանորդագրվեք մեր ալիքին Telegram-ում