1000х90.jpg (78 KB)

Երևանում՝ 11:07,   29 Մարտ 2024

Խարկովում 6 մարդու կյանք խլած վրաերթի մասնակից կին վարորդը պատահարից րոպեներ առաջ մուտք է գործել սոցիալական ցանց

Խարկովում 6 մարդու կյանք խլած վրաերթի մասնակից կին վարորդը պատահարից 
րոպեներ առաջ մուտք է գործել սոցիալական ցանց

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Խարկովում 11 մարդու վրաերթի ենթարկած Lexus մակնիշի մեքենայի կին վարորդը պատահարից  րոպեներ առաջ  մուտք է գործել ВКонтакте սոցիալական ցանցի իր էջ: Ինչպես հաղորդում է «Արմենպրես»-ը, վկայակոչելով ուկրաինական լրատվամիջոցները, այդ մասին է վկայում ВКонтакте-ում նրա էջի տեղեկատվությունը: Խարկովի մարզային դատախազության տվյալներով, պատահարը, որի հետևանքով 6 մարզ զոհվել է, 5-ը` մարմնական վնասվածքներով տեղափոխվել հիվանդանոց, տեղի է ունեցել հոկտեմբերի 18-ին, տեղական ժամանակով ժամը 20:40-ին, իսկ 20:32-ին վրաերթի հեղինակը` Ալյոնա Զայցեվան,  մուտք է գործել սոցիալական ցանցի իր էջ:

Համացանցում հայտնվել է նաև վրաերթի տեսանյութը, որում երևում է, որ մարդիկ կանգնած են հետիոտների անցման համար նախատեսված վայրում և սպասում են փողոցն անցնելու հնարավորությանը, երբ ինչ-որ պահի մեծ արագությամբ սլացող Lexus մակնիշի մեքենան վրաերթի է ենթարկում նրանց: Դրանից հետո մեքենան բախվել է տներից մեկի պատին և շրջվել:

Ուկրաինայի Գերագույն ռադայի պատգամավոր Անտոն Գերաշչենկոն «Ֆեյսբուք» սոցիալական ցանցի իր էջում մանրամասներ է հաղորդել Lexus-ի վարորդի վերաբերյալ: «Վերջին երկու տարիների ընթացքում Lexus-ի վարորդին ճանապարհային երթևեկության կանոնները խախտելու համար 8 անգամ կանգնեցրել են Խարկովի ոստիկանության աշխատակիցները` սկսած կարմիր լույսի տակ անցնելուց, վերջացրած մեքենան կայանելու կանոնների խախտումից: Յուրաքանչյուր խախտման համար նա տուգանվել է 500-1000 ռուբլու չափ գումարով, սակայն դա որևէ դաստիարակչական արդյունք չի ունեցել»,- գրել է պատգամավորը:

Lexus-ի վարորդը` 1997թ. ծնված Ալյոնա Զայցեվան կալանավորվել է:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]