Ձյուդոյի ֆեդերացիայում փոփոխություններ են տեղի ունեցել
15:00, 18 Հոկտեմբեր 2017
ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Տեղի է ունեցել Հայաստանի ձյուդոյի ֆեդերացիայի նախագահության նիստը:
«Արմենպրես»-ի հաղորդմամբ` Հայաստանի ձյուդոյի ֆեդերացիայի նախագահության նիստում ընտրվել է ֆեդերացիայի նոր գլխավոր քարտուղար: Այդ պաշտոնում Դավիթ Խիթարյանին փոխարինել է Թաթուլ Հովհաննիսյանը:
Ֆեդերացիայի նախագահության մեկ այլ որոշմամբ Հայաստանի ձյուդոյի պատանիների հավաքականի ավագ մարզիչ Հակոբ Առաքելյանն ազատվել է զբաղեցրած պաշտոնից: Ձյուդոյի պատանիների հավաքականը կմարզվի երիտասարդների հավաքականի ավագ մարզիչ Հովհաննես Դավթյանի գլխավորությամբ:
Նոյեմբերի 25-ին Երևանում տեղի կունենա մեծահասակների ձյուդոյի ՀՀ առաջնությունը:
Բաժանորդագրվեք մեր ալիքին Telegram-ում