Մոսկվայի կենտրոնում 44-ամյա հայաստանցի Է սպանվել
13:18, 16 Հոկտեմբեր 2017
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Մոսկվայի կենտրոնում անհայտ անձինք հայաստանցի տղամարդու են գնդակահարել: Այդ մասին, ինչպես տեղեկացնում Է «Արմենպրես»-ը, հոկտեմբերի 16-ին «Լենտա.ռու»-ին հայտնել Է ՌԴ մայրաքաղաքի իրավապահ մարմինների մի աղբյուր:
Նրա խոսքով՝ 44-ամյա տղամարդը հոկտեմբերի 16-ի առավոտյան ժամը մոտ 08:30-ին իր ավտոմեքենայից դուրս Էր գալիս Նովոսլոբոդսկայա փողոցում, երբ մարդասպանը մի քանի գնդակ Է արձակել նրա վրա: Դատելով սպանության բնույթից՝ այն նման Է պատվիրվածի»,-նշել Է հրատարակության զրուցակիցը:
Հանցագործն առնվազն չորս կրակոց Է արձակել տուժածի վրա, ինչի մասին հայտնել Է ՌԴ Հետաքննչական կոմիտեի Մոսկվայի վարչության ղեկավարի ավագ օգնական Յուլյա Իվանովան: Քրեական գործ Է հարուցվել «սպանություն» եւ «զենքի անօրինական շրջանառություն» հոդվածներով:
Պատահարի վայրում աշխատում են քննիչները եւ քրեագետները:
Բաժանորդագրվեք մեր ալիքին Telegram-ում