Արսեն Ջուլֆալակյանը հանդես կգա ֆրանսիական ակումբում
14:32, 13 Հոկտեմբեր 2017
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Հունահռոմեական ոճի ըմբիշ, Օլիմպիական խաղերի փոխչեմպիոն, աշխարհի և Եվրոպայի չեմպիոն Արսեն Ջուլֆալակյանը նոր ակումբ ունի:
«Արմենպրես»-ի հաղորդմամբ` Օլիմպիական խաղերի արծաթե մեդալակիրն այսուհետև հանդես կգա ֆրանսիական «CPBesançon Lutte» ակումբի կազմում: «Նպատակը Ֆրանսիայի գավաթը նվաճելն է»,-իր ֆեյսբուքյան էջում գրել է Ջուլֆալակյանը:
Արսեն Ջուլֆալակյանը Լոնդոնի 2012 թվականի Օլիմպիական խաղերի արծաթե, աշխարհի 2014 թվականի առաջնության և Եվրոպայի 2009 թվականի ոսկե մեդալակիր է:
Բաժանորդագրվեք մեր ալիքին Telegram-ում