Ժամանակը Երևանում՝ 11:07:36,   18 Հոկտեմբեր

Իրաքի վարչապետը ներկայացրել է Քուրդիստանի հետ երկխոսության նախապայմանները


ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: Իրաքի վարչապետ Հեյդար ալ-Աբադին հայտարարել է, որ Իրաքի տարածքային ամբողջականության և միասնության ճանաչումը հանդիսանում է Իրաքյան Քուրդիստանի հետ երկխոսություն սկսելու նախապայման:

«Մեր դիրքորոշումը հայտնի է: Յուրաքանչյուր երկխոսություն պետք է հիմնվի հետևյալ հիմքերի վրա. դա Իրաքի միասնությունն է, սահմանադրության իրականացումը և հանրաքվեի արդյունքներից հրաժարվելը: Այս դիրքորոշումը բանակցությունների, նախաձեռնությունների, միջնորդության կարիք չունի»,- ինչպես փոխանցում է «Արմենպրես»-ը, այդ մասին Աբադին նշել է լրագրողների հետ զրույցում: Նրա ելույթը տեղադրվել է Իրաքի կառավարության թվիթերյան միկրոբլոգում:

Աբադին ընդգծել է, որ Իրաքի իշխանությունները չեն բոյկոտում Քուրդիստանը և տարածաշրջանի ու Իրաքի միջև հարաբերությունները շարունակվում են:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ