Ռուսաստանն ուժեղացնում է հսկողությունը ներկրվող պտուղ-բանջարեղենի նկատմամբ
14:36, 12 Հոկտեմբեր 2017
ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: Ռոսսելխոզնադզորն ուժեղացրել Է հսկողությունը Հայաստանից, Ադրբեջանից եւ Բելառուսից ներկրվող պտուղ-բանջարեղենի նկատմամբ՝ կապված արգելված (պատժամիջոցների գործողության ներքո գտնվող) արտադրանքի մատակարարումների հաճախացած փորձերի հետ: Այդ մասին ասված Է գերատեսչության հաղորդագրության մեջ, տեղեկացնում Է «Արմենպրես»-ը:
Ինչպես նշվում Է հաղորդագրության մեջ, այդ երկրներում ստացվող արգելված արտադրանքն այնուհետեւ փորձում են ներկրել Ռուսաստան՝ այն ներկայացնելով որպես այդ պետությունների տարածքում արտադրված ապրանքներ: Գերատեսչության պաշտոնական ներկայացուցիչը ՏԱՍՍ-ին հայտնել Է, որ հատկապես դա վերաբերում Է լոլիկին:
«Ուժեղացված հսկողություն Է սահմանվում այդ երկրներից ներկրվող ամբողջ պտուղ-բանջարեղենի նկատմամբ: Լոլիկի գծով Ռոսսելխոզնադզորը մակնշման լրացուցչի պահանջներ Է մտցնում»,- հայտարարել Է նա:
Բաժանորդագրվեք մեր ալիքին Telegram-ում