«Մենք չԷինք ցանկանա, որ ԱՄՆ-ը դուրս գա գործարքից: Բայց եթե դա տեղի ունենա, ապա Իրանը կնայի Ռուսաստանի, Չինաստանի եւ Եվրամիության արձագանքին»,- ասել Է գործակալության զրուցակիցը: «Եթե ՌԴ-ն եւ Չինաստանը չպաշտպանեն ԱՄՆ-ի այդ որոշումը, ապա Թեհրանը հավատարիմ կմնա ԳՀՀԾ-ի գծով իր պարտավորություններին»,- նշել Է նա:

Ավելի վաղ ԱՄՆ-ի նախագահ Դոնալդ Թրամփը հայտարարել Է, որ առայժմ չգիտի՝ ինչ Է ձեռնարկելու Իրանի հետ կնքված միջուկային գործարքի նկատմամբ: Fox News հեռուստաընկերությանը տված հարցազրույցի ընթացքում հաղորդավարը Թրամփին հարցրել Է, թե նա մտադիր Է արդյոք պաշտոնապես հաստատել Իրանի կողմից պարտավորությունների կատարումը կամ դուրս գալ գործարքից: «Մենք կարող ենք անել թե՛ մեկը, թե՛ մյուսը: Ես ստույգ չգիտեմ՝ ինչ կանեմ»,-ասել Է Թրամփը:

Իրանը եւ միջազգային բանակցորդների «վեցյակը» 2015 թվականի հուլիսի 14-ին պատմական համաձայնության են հասել իրանական բազմամյա միջուկային հիմնախնդրի կարգավորման շուրջ: Երկարատեւ բանակցություններն ավարտվել են Գործողությունների համատեղ համապարփակ ծրագրի ընդունմամբ: 2016 թվականի հունվարի 16-ին հայտարարվել Է ԳՀՀԾ-ի իրականացումն սկսելու մասին, որին հավանություն Է տրվել ՄԱԿ-ի Անվտանգության խորհրդի բանաձեւով:

Այդ ծրագիրը նախատեսում Է ավելի վաղ ՄԱԿ-ի ԱԽ-ի, ԱՄՆ-ի եւ Եվրամիության կողմից Իրանի նկատմամբ սահմանված տնտեսական ու ֆինանսական պատժամիջոցների վերացում: Փոխարենը Թեհրանը պարտավորվել Է սահմանափակել իր միջուկային գործունեությունը՝ այն դնելով միջազգային հսկողության ներքո: