Ժամանակը Երևանում՝ 11:07:36,   16 Դեկտեմբեր

Գլխավոր նպատակը հավասարակշռության պահպանումն է. Անատոլի Սիդորովը` ՌԴ-ի կողմից Ադրբեջանին զենք վաճառելու մասին


ԵՐԵՎԱՆ, 12 ՀՈԿՏԵՄԲԵՐԻ, ԱՐՄԵՆՊՐԵՍ: Հավաքական անվտանգության պայմանագրի կազմակերպության միացյալ շտաբի ղեկավար Անատոլի Սիդորովն անդրադարձել է Ռուսաստանի կողմից Ադրբեջանին զենք վաճառելուն: Երևանում հոկտեմբերի 12-ին տեղի ունեցած ասուլիսի ընթացքում Սիդորովն ընդգծեց, որ Ադրբեջանը իր համար զենքի այլ մատակարար կգտներ, եթե նրան զենք չվաճառեր ՀԱՊԿ անդամ երկիրը:

«Ես այն կարծիքին եմ, որ երբ ինչ-որ երկրներ համագործակցում են, դրա համար կան ինստիտուտներ, ղեկավարներ, որոնք շատ խորը և լուրջ գնահատում են իրավիճակը: Ես կարծում եմ, որ գլխավոր խնդիրը հավասարակշռության պահպանումն է և հակամարտության վերջնական կարգավորումը: Եթե Ադրբեջանը տրամադրված է զենք ձեռք բերել, նա այն այսպես թե այնպես կգտնի»,-«Արմենպրես»-ի փոխանցմամբ` ասաց Սիդորովը:

Նա հույս հայտնեց, որ տարբեր կառույցների գործողությունները կհանգեցնեն տարածաշրջանում վերջնական խաղաղության և կայունության: «Չնայած այն հանգամանքին, որ ես ուսադիրներ եմ կրում` համոզված եմ, որ այդ հակամարտությունների կարգավորումը հնարավոր է միայն խաղաղ ճանապարհով»,- ընդգծեց ՀԱՊԿ միացյալ շտաբի հրամանատարը:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ