Ֆուտբոլի ազգային ընտրանին Մունդիալ-2018-ի ընտրական փուլն ավարտեց ոչ-ոքիով
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային թիմը 2018 թվականի աշխարհի առաջնության ընտրական փուլն ավարտեց ոչ-ոքի արդյունքով:
«Արմենպրես»-ի հաղորդմամբ՝ ազգային ընտրանին մրցափուլն ավարտեց Ղազախստանի դեմ արտագնա խաղով: Առաջին կեսում երկու թիմերն էլ վտանգավոր էին գործում, սակայն Հայաստանի հավաքականն առաջինը բացեց խաղի հաշիվը: Խաղի 25-րդ րոպեին ստանալով Պիզելլիի «խորքային» փոխանցումը՝ ազգային թիմի ավագ Հենրիխ Մխիթարյանը բացեց խաղի հաշիվը: Երկրորդ կեսի 62-րդ րոպեին ղազախները վերականգնեցին հաշվի հավասարակշռությունը՝ գոլն իր ակտիվում գրանցեց Տուրիսբեկը:
Այսպւսով, ֆուտբոլի ազգային թիմն ավարտեց Մունդիալ-2018-ի ընտրական փուլը: Հայաստանի հավաքականը հավաքեց միայն 7 միավոր՝ զբաղեցնելով նախավերջին տեղը խմբում:
Բաժանորդագրվեք մեր ալիքին Telegram-ում