Իրանն արգելել Է նավթամթերքի ներկրումն ու արտահանումը Իրաքյան Քրդստանից
17:18, 29 Սեպտեմբեր 2017
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Թեհրանը ժամանակավորապես արգելել Է իրանական ընկերություններին՝ նավթամթերք ներկրել ու արտահանել Իրաքյան Քրդստանից, ինչի մասին հայտնել Է Tasnim իրանական գործակալությունը, տեղեկացնում Է «Արմենպրես»-ը:
«Տրանսպորտի եւ ճանապարհային երթեւեկության կառավարման կազմակերպությունն արգելել Է Իրանից վառելիքի բեռնումն ու փոխադրումը Իրաքյան Քրդստան եւ հակառակ ուղղությամբ՝ կապված տարածաշրջանում տեղի ունեցած վերջին իրադարձությունների հետ»,-ասված Է հաղորդագրության մեջ:
Իրանը, ինչպես եւ Իրաքյան Քրդստանի մյուս հարեւանները, դեմ Է արտահայտվել ինքնավար այդ տարածաշրջանի անկախության հանրաքվեի անցկացմանը: Ինչպես հայտարարել Է Իրանի արտաքին գործերի նախարար Մոհամադ Ջավադ Զարիֆը, դա «լուրջ ռազմավարական սխալ Էր», հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում