Հենրիխ Մխիթարյանը խոսել է ԲԿՄԱ-ի դեմ խաղի և հայ երկրպագուների մասին
17:17, 26 Սեպտեմբեր 2017
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի ավագ և «Մանչեսթեր Յունայթեդ»-ի կիսապաշտպան Հենրիխ Մխիթարյանը խոսել է ԲԿՄԱ-ի հետ առաջիկա խաղի մասին:
«Նախորդ անգամ, երբ խաղում էինք «Ռոստով»-ի դեմ, շատ հայ երկրպագուներ կային հայկական դրոշով, հուսով եմ այս անգամ ևս կտեսնեմ նրանց մարզադաշտում: Շատ շնորհակալ եմ երկրպագուներին աջակցության համար»,-«Արմենպրես»-ի հաղորդմամբ` ասել է Մխիթարյանը:
Անդրադառնալով ԲԿՄԱ-ին՝ Մխիթարյանն ասել է. «Ես հետևում եմ Ռուսաստանի առաջնությանը և կարող եմ ասել, որ ԲԿՄԱ-ն բավականի ուժեղ թիմ է դարձել»:
Ֆուտբոլի Չեմպիոնների լիգայի խմբային փուլի երկրորդ տուրի ԲԿՄԱ-«Մանչեսթեր Յունայթեդ» հանդիպումը կկայանա սեպտեմբերի 27-ին և կմեկնարկի Երևանի ժամանակով 22:45-ին:
Բաժանորդագրվեք մեր ալիքին Telegram-ում