Ուռուցքաբանները բացասական կանխատեսում են տվել ամերիկացի սենատոր Ջոն Մակքեյնին
11:46, 26 Սեպտեմբեր 2017
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկացի հանրապետական սենատոր Ջոն Մակքեյնը սեպտեմբերի 25-ին CBS հեռուստաալիքին պատմել Է, որ բժիշկներն իրեն «չափազանց բացասական կանխատեսում» են տվել ավելի վաղ իր մոտ հայտնաբերված ուղեղի ուռուցքի զարգացման վերաբերյալ, տեղեկացնում Է «Արմենպրես»-ը:
«Ոմանք ասում են 3 տոկոս, մյուսները՝ 14 տոկոս: Դուք հասկանում եք, որ դա չափազանց բացասական կանխատեսում Է»,- ասել Է քաղաքական գործիչը հիվանդությունը հաղթահարելու իր շանսերի մասին: Նա հավելել Է, որ գոհ Է բժիշկների աշխատանքից եւ մտադիր Է մոտ ժամանակներս «տոնել կյանքը եւ գոհություն հայտնել դրանում ամենայն լավի համար»:
Այն մասին, որ Մակքեյնի մոտ ուղեղի ուռուցք Է ախտորոշվել, հայտարարվել Էր հուլիսի 19-ին: Ավելի վաղ սենատորի մոտ բազմիցս մաշկի քաղցկեղ Է ախտորոշվել, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում