Վրաստանից շուրջ 30 բնակարանային գողերի են ձերբակալել Իտալիայում եւ Գերմանիայում
11:43, 26 Սեպտեմբեր 2017
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Ոստիկանության աշխատակիցները Վրաստանից 28 հանցագործների են ձերբակալել Իտալիայում եւ Գերմանիայում, որոնք զբաղվում Էին բնակարանային կողոպուտներով: Այդ մասին, ինչպես տեղեկացնում Է «Արմենպրես»-ը, սեպտեմբերի 26-ին հայտնել են վրացական ԶԼՄ-ները: Իտալիայի եւ Գերմանիայի ոստիկանների տվյալներով՝ ձերբակալվել են կազմակերպված հանցախմբի անդամներ, որոնք վերջին երկու տարում 85 բնակարան են կողոպտել Իտալիայի եւ Գերմանիայի տարբեր քաղաքներում: Գողերն իրենց «ավարը» ուղարկում Էին Վրաստան:
Այս տարվա ամռանը տեղեկացվել Էր Իսպանիայում, Գերմանիայում եւ Հունաստանում մի քանի տասնյակ վրացի հանցագործների ձերբակալման մասին: Վրաստանի ՆԳ նախարարության տեղեկատվության համաձայն, նրանց ձերբակալմանն ակտիվորեն մասնակցել Է վրացական կողմը, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում