Հրապարակվել են Իրաքյան Քրդստանում հանրաքվեի նախնական արդյունքները. 93 տոկոսը կողմ է
09:51, 26 Սեպտեմբեր 2017
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Իրաքյան Քրդստանում անցկացված հանրաքվեի մասնակիցների ավելի քան 93 տոկոսը պաշտպանել Է տարածաշրջանի անկախությունը, ինչը վկայում են 282 հազար ձայների (քվեարկածների մոտավորապես 9 տոկոսի) հաշվման արդյունքները: Այդ մասին ՌԻԱ Նովոստիին հայտնել են Քրդստանում հանրաքվեի եւ ընտրությունների անցկացման Բարձրագույն անկախ հանձնաժողովում:
«Հաշվարկը շարունակվում Է, հաշվել են 282 հազար 17 ձայն: Անկախության օգտին քվեարկել Է ընտրողների 93,29 տոկոսը, դեմ՝ 6,71 տոկոսը»,- հայտարարել Է հանձնաժողովի ներկայացուցիչը: Նա նշել Է, որ արդյունքները կարող են փոխվել, քանի որ հաշվարկը շարունակվում Է: Պաշտոնական արդյունքները կհրապարակվեն սեպտեմբերի 28-ին:
Ըստ վերջին տվյալների՝ հանրահարցմանը քվեարկել Է շուրջ 3,3 մլն մարդ, մասնակցությունը կազմել Է 72,16 տոկոս:
Բաժանորդագրվեք մեր ալիքին Telegram-ում