Բակո Սահակյանն Արցախի նոր նախարարներին ներկայացրել է գերատեսչությունների աշխատակիցներին
17:34, 25 Սեպտեմբեր 2017
ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: Արցախի Հանրապետության Նախագահ Բակո Սահակյանը սեպտեմբերի 25-ին այցելել է մշակույթի, երիտասարդության հարցերի եւ զբոսաշրջության, կրթության, գիտության եւ սպորտի, ֆինանսների, բնապահպանության եւ բնական ռեսուրսների, էկոնոմիկայի եւ արտադրական ենթակառուցվածքների, գյուղատնտեսության նախարարություններ եւ այդ գերատեսչությունների աշխատակազմերին ներկայացրել նորանշանակ ղեկավարներին՝ մաղթելով նրանց արդյունավետ աշխատանք: Այս մասին «Արմենպրես»-ին տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից:
Նախագահը երախտագիտություն է հայտնել վերոհիշյալ կառույցների նախկին ղեկավարներին՝ իրենց գործունեության համար:
Բաժանորդագրվեք մեր ալիքին Telegram-ում