Մեծ Բրիտանիան Իրանին կոչ է անում դադարեցնել «սադրիչ գործողությունները»
17:13, 23 Սեպտեմբեր 2017
ԵՐԵՎԱՆ, 23 ՍԵՊՏԵՄԲԵՐԻ, ԱՐՄԵՆՊՐԵՍ: Մեծ Բրիտանիայի ԱԳ նախարար Բորիս Ջոնսոնն Իրանին կոչ է արել դադարեցնել «սադրիչ գործողությունները»: Ինչպես հաղորդում Է «Արմենպրես»-ը, այս մասին հայտնում է «ՌԻԱ Նովոստի»-ն:
«Ես չափազանց անհանգստացած եմ Իրանի կողմից հրթիռային փորձարկում անցկացնելու մասին լուրերով, ինչը հակասում է ՄԱԿ-ի Անվտանգության խորհրդի 2231 բանաձևին: Կոչ եմ անում Իրանին դադարեցնել սադրիչ գործողությունները»,- իր թվիթերյան էջում գրել է Ջոնսոնը:
Ավելի վաղ Իրանը հայտարարել էր, որ հաջողությամբ անց է կացրել նոր բալիստիկ հրթիռի փարձարկում, որը կարող է մի քանի մարտագլխիկներ կրել, իսկ թռիչքի հեռահարությունը հասնում է 2 հազար կմ:
Բաժանորդագրվեք մեր ալիքին Telegram-ում